Golfklúbburinn Teigur

Vorferð Teigs 2026 var að venju suður á við, til Mojacar, 20.-23. apríl 2026. Mótið var að venju tveir 18 holu golfhringir, 21. og 22. apríl, og á fundi í lok seinni dagsins voru veitt þrenn verðlaun fyrir flesta punkta, auk einna höggleiksverðlauna, bæði í kvenna- og karlaflokki. Níu konur spiluðu tvo 9 holu hringi sömu daga og voru veitt ein verðlaun fyrir þann hluta mótsins. Einnig nándarverðlaun. Einnig voru veitt þrenn verðlaun fyrir bæði konur og karla, í mánudags-mótaröð…

Read More Read More

Duglegt fólk í Teigi skipulagði mini-golfs- og matarhitting 1. apríl – ekkert gabb – á Pitcher and putt, á ská á móti Ivy bar – sem er líklega í La Flamenca hverfinu á Orihuela svæðinu. Líklega samtals um 50 manns. Spilaður 18 holu hringur, í fjögurra manna hollum, kvenna og karla. Og avo var matur af hlaðborði, sem komið var með í veitingavagni – svínakjöt og margt fleira – góður matur. Góð stund saman, eins og alltaf hjá Teigs-félögum. Myndir:…

Read More Read More

Kalt að morgni – en svo hlýnaði og að mestu logn. Myndir af sigurvegurum, félögum í kaffi og nokkrar af vellinum góða. Takk fyrir góðan dag, kæru félagar. Ljósmyndir: Arinbjörn Sigurgeirsson.

Enn einn góður dagur; gott veður og góður félagsskapur, á Vistabella-golfvellinum. Verðlaunaveitingar og nokkrar myndir af klúbbfélögum við klúbbhúsið og myndir á golfvellinum. Og ein af stjórn Teigs (viðstöddum stjórnarmönnum). Ljósmyndir: Arinbjörn Sigurgeirsson.

Mánudagsmót Teigsfélaga á Vistabella golfvellinum á Spáni, 9. febrúar 2026. Blautt að morgni, eftir nóttina, en þurrt veður og hlýnaði. Myndir af verðlaunahöfum og Hirti, sem afhenti verðlaunin, en sem fékk svo í lokin ein verðlaunin sjálfur, úr hendi Þórs formanns. Lokamyndin er af hrífu við sandglompu, sem golfreglufróð kona segir að sé rangt frágengin – hrífurnar eigi ekki að liggja á bakkanum, heldur vera í sandinum – hún bað mig að koma þessu á framfæri með þessari myndbirtingu hér.

Fyrsti keppnisdagurinn á árinu 2026 í mótaröð Teigs – á Vistabella-golfvellinun á Spáni. Svalt veður í byrjun dags, svo hlýtt og gott og þar á eftir dálítill vindur og nokkrir regndropar. Myndir af verðlaunaveitingum og nokkrar af félögum í kaffi og af vellinum. Á vellinum mátti meðal annars sjá lítinn hund í bandi – óalgengt á golfvöllum. Myndir: Arinbjörn Sigurgeirsson.

Hér er seinni hluti mynda haustferðarinnar, frá degi 3 – þegar spilaður var 18 holu golfhringur á Poniente golfvellinum (í gilinu), haldinn aðalfundur og borðaður lokakvöldverður ferðarinnar, ásamt verðlaunaafhendingum. Velheppnuð ferð, gott veður og félagsskapurinn góður – takk.

Haustferð golfklúbbsins Teigs, til Villaitana, 15. til 18. nóvember 2025. Um 90 golfspilandi. Svipmyndir frá degi 1 og 2; – af kynningarfundi á aðaltorginu, Levante golfvellinum og í tapas-kvöldverðinum í boði Teigs – takk fyrir það allt. Ljósmyndir – Arinbjörn Sigurgeirsson.

Myndir af verðlaunaafhendingum eftir fyrsta mótsdaginn í mánudags-mótaröð Teigs haustið 2025, 6. október. (Ekki tókst að klára 18 holu hringinn síðast, vegna mikillar úrkomu og eldinga í grennd.) Nú voru kynntar breyttar aðferðir við verðlaunaveitingar eftir hvern mótsdag, þannig að ef vinningshafi er farinn fyrir verðlaunaveitingu heldur klúbburinn hjá sér verðlaunum hans og þau þá endurnýtt í næstu verðlaunaveitingu. Hér eru myndir af viðstöddum sigurvegurum og nokkrar myndir af Teigsfélögum í lok verðlaunaveitingarinnar.

Sumargolfmót Teigs, sunnudaginn 20. júlí 2025, á Hellishólum í Fljótshlíð. Svipmyndir af golfvellinum með dýrum og kylfingum, kvöldverði, verðlaunaveitingum og fleira.